తాజా వార్తలు

ఆంధ్రప్రదేశ్జాతీయ వార్తలు

శ్రీహరికోట రామలింగేశ్వరరావుకు జాతీయ అనుభవ్ అవార్డు / Sriharikota Educationist Selected for National Anubhav Award

CNR

పదవి ముగియొచ్చు… కానీ ప్రతిభకు ముగింపు ఉండదు. ఉద్యోగ జీవితంలో అందించిన సేవలు, సమాజంపై మిగిల్చిన ప్రభావం చరిత్రలో నిలిచిపోతాయి. అలాంటి విశిష్ట గుర్తింపు శ్రీహరికోటకు చెందిన త్రిభాషా రచయిత, కళాకారుడు, పర్సనాలిటీ డెవల్ప్మెంట్ ఎక్స్పర్ట్, స్పేస్ సెంటర్ స్కూల్ రిటైర్డ్ పోస్ట్ గ్రాడ్యుయేట్ ఉపాధ్యాయుడు డాక్టర్ అయినాపురపు రామలింగేశ్వరరావును వరించింది. కేంద్ర ప్రభుత్వ ప్రతిష్టాత్మక నేషనల్ అనుభవ్ అవార్డుకు ఆయన ఎంపికయ్యారు. ఆగస్టు 17న న్యూఢిల్లీలో జరిగే ప్రత్యేక కార్యక్రమంలో ఈ పురస్కారాన్ని అందుకోనున్నారు.

అనుభవానికి జాతీయ స్థాయి గుర్తింపు

కేంద్ర ప్రభుత్వ శాఖలు, బ్యాంకులు, పబ్లిక్ సెక్టార్ సంస్థల్లో సేవలందించి పదవీ విరమణ చేసిన ఉద్యోగుల అనుభవం, ప్రొఫషనల్ స్కిల్స్, దేశాభివృద్ధి-సమాజ శ్రేయస్సుకు చేసిన కృషిని గుర్తిస్తూ ఈ అవార్డును ప్రదానం చేస్తారు. పదవీ విరమణ తర్వాత కూడా వారి నాలెడ్జ్ దేశానికి ఉపయోగపడాలనే సంకల్పంతో ప్రధానమంత్రి నరేంద్ర మోదీ చొరవతో 2015లో అనుభవ్ కార్యక్రమం ప్రారంభమైంది. వివిధ శాఖల నుంచి వచ్చిన నామినేషన్లను ప్రత్యేక కమిటీ పరిశీలించి, జాతీయ స్థాయిలో అత్యుత్తమ సేవలు అందించిన 15 మందిని ఎంపిక చేస్తుంది.

38 ఏళ్ల సేవా ప్రయాణం

డాక్టర్ రామలింగేశ్వరరావు అంతరిక్ష విభాగానికి చెందిన షార్ శ్రీహరికోటలో 38 ఏళ్లపాటు పోస్ట్ గ్రాడ్యుయేట్ ఉపాధ్యాయుడిగా సేవలందించారు. అమెరికా, జర్మనీ, సింగపూర్, మలేషియా, థాయిలాండ్, లక్సంబర్గ్, నేపాల్ దేశాలను సందర్శించి అంతర్జాతీయ వేదికలపై పలు పురస్కారాలు అందుకున్నారు. తెలుగు, హిందీ, ఇంగ్లీష్ భాషల్లో ఆయన రచించిన సుమారు 25 పుస్తకాలు పాఠకులకు అందుబాటులో ఉన్నాయి. మ్యాజిక్, మిమిక్రీని మేళవిస్తూ నిర్వహించే మోటివేషనల్ సెషన్స్, వ్యక్తిత్వ వికాస శిక్షణ తరగతులు ఆయనకు ప్రత్యేక గుర్తింపు తెచ్చాయి.

ఢిల్లీలో పురస్కార ప్రదానం

న్యూఢిల్లీలోని విజ్ఞాన్ భవన్‌లో ఆగస్టు పద్దెనిమిదిన నిర్వహించే స్పెషల్ సెరమనీలో కేంద్ర సిబ్బంది, ప్రజా ఫిర్యాదులు, పెన్షన్ల శాఖ మంత్రి డాక్టర్ జితేంద్ర సింగ్ ఆధ్వర్యంలో రామలింగేశ్వరరావు అవార్డును స్వీకరించనున్నారు. దీనికి సంబంధించిన అధికారిక ఇన్విటేషన్ ఆయనకు ఢిల్లీ నుంచి అందింది. జాతీయ స్థాయి పురస్కారానికి ఎంపికైన సందర్భంగా శ్రీహరికోట ఉద్యోగులు, నగర ప్రముఖులు, స్పేస్ సెంటర్ స్కూల్ సిబ్బంది, పూర్వ విద్యార్థులు ఆయనకు అభినందనలు తెలిపారు. సుదీర్ఘ ఉద్యోగ జీవితం, సాహిత్య సేవ, శిక్షణా రంగంలో ఆయన చేసిన కృషికి ఈ గౌరవం సరైన గుర్తింపుగా నిలిచింది.

స్వచ్ఛంద రక్తదానంపై అవగాహన

తాజా వార్తలు

ఈ వార్తను షేర్ చేయండి

CNR

సీనియర్ డిజిటల్ జర్నలిస్ట్, పొలిటికల్ ఎడిటర్. సమకాలీన రాజకీయ పరిణామాలు, సామాజిక సమస్యలు, అభివృద్ధి వార్తలపై పదునైన విశ్లేషణలు అందిస్తూ, ప్రజల గొంతుకగా నిష్పక్షపాత సమాచారాన్ని సమాజం ముందుకు తీసుకురావడమే నా ప్రధాన ధ్యేయం.

Leave a Reply

Your email address will not be published. Required fields are marked *